Bombolat 5 litërshe të gazit duhet të nxirren nga përdorimi.

Propozimi vjen nga zjarrfikësit e Shkodrës, pas disa rasteve ku këto bombola janë kthyer në rrezik serioz për jetën e njerëzve.

Shërbimi zjarrfikës në Shkodër kërkon ndalimin e përdorimit të bombolave të gazit 5 litërshe, pasi ato po kthehen në rrezik serioz për jetën e qytetarëve.

Agron Dibra: “Kemi një problematikë me bommbolat 5 kilogramëshe, janë bombola kampingu për tu përdor një herë në vit dhe jo për tu përdorur çdo ditë.”

Rasti më i fundit u shënua të hënën, ku një bombol e tillë shpërtheu në garazhin e një banese.

Agron Dibra: “Bombolat e gazit 5 kilogram të kampingut bëj thirrje urgjentisht që të hiqen nga qarkullimi. Bombolat e tjera duhet të blehen, ndërrohen apo mbushen në pikat e licencuara dhe të kolaudimit.”

Shpërthimet e bombolave të gazit në vazhdimësi kanë shkaktuar ngjarje të rënda, por ndërgjesimi mes përdoruesve ende mbetet i ulët.

Agron Dibra: “Absolutisht është e ndaluar mbushja e bombolave në karburante, jo vetëm nga ana ligjore por nuk ka siguri.Qytetarët akoma nuk janë ndërgjegjësuar për rrezikun dhe akoma vazhdojnë ta mbajnë një bombol për 20 vjet pa u kolauduar, duke rrezikuar jetën.”

Pak vite më parë, institucionet nisën një aksion për kontrollin e tregimit të gazit për përdorim familjar.

Por mbushja e bombolave të gazit pranë karburanteve mbetet ende fenomen i pranishëm në vendin tonë./oranews